Mənbə: Telegram

Dənizdə partlayış olub (yenilənib)

Məqalə yeniləndi:  4 İyul 2021

23.47. Neftçilərin Hüquqlarını Müdafiə Təşkilatının rəhbəri Mirvari Qəhrəmanlı "Facebook" hesabında yazıb: "Mənə verilən məlumatda deyilir ki, yanan "Ümid" yatağının öyrənilməsi üçün qazılmış köhnə kəşfiyyat quyusudur, Belə ki, adətən kəşfiyyat quyusu qazıldıqdan sonra ağzı sementlənərək bağlanır. Vaxtıykən baş verən səhlənkarlıq, sementin keyfiyyətsiz, yaxud az olması nəticəsində illər sonra həmin quyudan sızmalar olur, təzyiq güclü olduqda isə yanğına çevrilə bilir. Ölən, yaralanan yoxdur".

***

Alov rayonlardan da müşahidə edilib

İyulun 4-də saat təxminən 21.50-də Xəzər dənizində partlayış olub. Alov və partlayış səsi Bakıda aydın eşidilib. Sosial şəbəkə istifadəçilərinin sözlərinə görə, Salyan, Lənkəran və digər bölgələrdən də alov görünüb. İlkin məlumata görə, hadisə "Ümid” qaz kondensat yatağı yaxınlığında baş verib.

Bakı sakinləri şəhər bulvarından alovu müşahidə ediblər. Dənizin üzərində helikopterlər görünür.

SOCAR partlayışla bağlı açıqlama yayıb:

“SOCAR-ın birbaşa nəzarətində olan dəniz platformalarında və sənaye obyektlərində hər hansı qəza baş verməyib, iş normal rejimdə davam edir. Ələt istəqamətində dənizdə müşahidə olunan partlayışla əlaqədar ilkin ehtimalımız palçıq vulkanının püskürməsidir”.

Ancaq SOCAR bu məlumatın dərcindən bir neçə dəqiqə sonra vulkan ehtimalı barədə qeydini çıxardıb.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  4 İyul 2021
Bölmələr:  
qısa linklər:   http://mtv.re/73xy9w

Ən çox baxılan