Vağzal əvvəlki iş rejiminə sentyabrın sonu qayıdacaq
Avqustun 22-si Bakı Dəmir Yolu Vağzalının sərnişinlərin üzünə bağlanıb.
Qərarı “Azərbaycan Dəmir Yolları” (ADY) QSC-nin verib.
ADY mətbuat xidmətindən vağzalın 35 gün qapalı qalacağı açıqlanıb.
Müvəqqəti məhdudiyyət Bakı-Sumqayıt və Bakı -Yalama elektrik qatarlarına da şamil edilir.
Açıqlamada vağzalın bağlanması dəmiryolun Biləcəri-Keşlə ərazisində aparılan təmir işləri ilə izah edilib.
Elektrik qatarlarına minik Biləcəri stansiyasında “Meydan” adlanan tərəfdə aparılacaq.
Bakı Dəmir Yolu Vağzalı əvvəlki iş rejiminə sentyabrın 26-da qayıtmalıdır.
