Mərkəzi Bank

Mənbə: Foto: arxiv

Başlıq: Mərkəzi Bank

Daha iki bankın lisenziyası ləğv edildi

Mərkəzi Bank deyir ki, bağlanan banklar kapitalını tam itirib

Azərbaycanda daha 2 bankın - “AGBank” və “NBC Bank”ın lisenziyası ləğv edilib.

Məlumatı Azərbaycan Mərkəzi Bankı (AMB) yayıb.

Bildirilir ki, “NBC Bank”ın maliyyə vəziyyəti qeyri-qənaətbəxşdir. Kapitalını tam itirib:

“Bundan əlavə, əmanətlər üzrə öhdəliklərini yerinə yetirə bilməyib. Riskli və qeyri-prudensial kredit siyasəti nəticəsində, İpoteka və Kredit Zəmanəti Fondunun vəsaiti hesabına verilmiş ipoteka kreditləri istisna edilməklə, 2020-ci ilin 30 aprel tarixinə bankın kredit portfelinin 54 faizinin (73 milyon manat) qeyri-işlək olduğu məlum olub”.

Məlumatda deyilir ki, məqsədli ehtiyatlarda aparılan korreksiyalardan sonra bankın məcmu kapitalı mənfi 24 milyon manat olub:

“Kapital mövqeyinin bərpası üçün 74 milyon manat məbləğində əlavə kapital qoyuluşu tələb olunurdu. Müvəqqəti inzibatçı müəyyən edib ki, bank təqdim etdiyi prudensial və statistik hesabatları davamlı olaraq təhrif edib”.

“AGBank”

“AGBank”

Mənbə: Foto: arxiv

Bağlanan digər bank “AGBank”dır. Mərkəzi Bank bildirir ki, burada aparılmış dəqiqləşdirmələrdən məlum olub ki, onun da maliyyə vəziyyətiqeyri-qənaətbəxşdir:

“Kapital mövqeyini tam itirib. 2020-ci il aprelin 30-na olan məlumata əsasən, bankın kredit portfelinin 51 faizinin qeyri-işlək statusda olması bəlli olub. Məqsədli ehtiyatlarda aparılan korreksiyalardan sonra bankın məcmu kapitalı mənfi 167 milyon manat təşkil edib. Kapital mövqeyinin bərpasına 212 milyon manat məbləğində əlavə kapital qoyuluşu tələb olunurdu”.

Kapitallarını tam itirdiklərinə, kreditorları qarşısında öhdəliklərini yetirə bilmədiklərinə görə hər iki bankın lisenziyası ləğv edilib.

Mərkəzi Bank sonda bildirir ki, son bir ayda lisenziyası geri alınmış 4 bankda əhalinin qorunan əmanətlərinin ümumi məbləği 686 milyon manatdır. Ümumilikdə 215 min əmanətçini əhatə edir. Bu banklarda ümumi əmanət portfelinin 99 faizindən çoxu qorunan əmanətlərdir və onlar tam kompensasiya ediləcək.

Aprelin 27-də Azərbaycan Mərkəzi Bankının İdarə Heyətinin qəbul etdiyi qərarla “Atabank”, “AGBank”, “NBC Bank” və “Amrah Bank” ASC-lərə müvəqqəti inzibatçılar təyin olunmuşdu.

Bir gün sonra, aprelin 28-də Mərkəzi Bankın İdarə Heyəti “Atabank” və “Amrah Bank”ın lisenziyalarını ləğv edildiyini açıqladı.

“NBC Bank”

“NBC Bank”

Mənbə: Foto: arxiv

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/1t38jp

Ən çox baxılan