Mənbə: Meydan Tv

Dağıstanda yüzlərlə Azərbaycan vətəndaşı geri dönməyi gözləyir

“Çadır düşərgəsinin yanında dörd ilan öldürmüşük”

Azərbaycana dönmək istəyən yüzlərlə vətəndaş Dağıstanda ağır şəraitdə qalmaqda davam edirlər.

“Turan” İnformasiya Agentliyinin məlumatına görə, bunu həmin vətəndaşlardan biri Asim Tağıyev deyib.

Onun sözlərinə görə, artıq bir aydır ki, insanlar Məhərrəmkənd rayonunun Kullar qəsəbəsinin yaxınlığında səhra şəraitində yaşayırlar.

“Faktiki olaraq biz küçədə qalmışıq. Rusiya FHN bizim üçün çadır düşərgəsi yaradıb. Günortalar burada dəhşətli istidir. İndiyə qədər çadırların yanında dörd ilan öldürmüşük. Çoxunun pulu qurtarıb. Burada çimmək belə mümkün deyil”, - Asim Tağıyev deyib.

Onun sözlərinə görə, mayın 19-u və 26-da iki mərhələdə qadınları, uşaqları, qocaları və xəstələri Azərbaycana buraxıblar. Hazırda Kullar yaxınlığında 400-500 nəfər qalır.

Asim Tağıyev deyib ki, çadırlarda yer çatmır. İnsanların bir hissəsi avtomobillərdə yaşayır və ya sadəcə olaraq küçədə qalırlar. Bəziləri avtoyuma məntəqələrində, bəziləri yarımçıq tikilmiş binalarda qalırlar.

“Mayın 28-də Azərbaycandan məmurlar gəlmişdi. Çadırlara baxdılar və heç nə demədən geri döndülər”, - Asim Tağıyev deyib.

“Turan” qeyd edib ki, Azərbaycan rəsmiləri məsələ ilə bağlı ətraflı şərh vermirlər və vətəndaşların geri qaytarılmasının qrafikə uyğun aparıldığını bildirirlər.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/snfwan

Ən çox baxılan