Redaksiya rəhbərliyi və əməkdaşların evinlərində axtarış aparılır
Jurnalistlərdən 13 nəfərin həbsinə order verilib
Türkiyədə “Cumhuriyyet” qəzetinin baş redaktoru Murat Sabunçu saxlanıb.
“CNN Türk” yazır ki, redaksiya rəhbərliyi və əməkdaşların evinlərində axtarış aparılır. Həmçinin 13 nəfərin həbsinə order verilib.
Qəzetin hazırda xaricdə olan baş direktoru Akina Atalay da onların arasındadır.
Prokurorluq qəzeti PKK və 15 iyul qiyam cəhdinin təşkilində ittiham olunan Fətullah Gülen hərəkatı ilə əlbir olmaqda günahlandırır.
“Cumhuriyyet”qəzeti 1924-cü il mayın 5-dən dərc olunur.
Qəzetin əməkdaşları 15 iyul qiyamından əvvəl də hüquq-mühafizə orqanları tərəfindən təqib olunurdu.
Keçmiş baş redaktor Can Dundar ilin əvvəllərində dövlət sirrini yayma ittihamı ilə 6 il azadlıqdan məhrum edilib. Həmin yazı Türkiyənin Suriyada keçirdiyi əmliyyat barədə idi.
