Oybek Titiyev

Mənbə: meydan tv

Başlıq: Oybek Titiyev

Çeçen fəalı Titiyev sərbəst buraxılıb

Onu həbsxananın qarşısında həmkarları, dostları, yaxınları qarşılayıb

Çeçenistan hüquq müdafiəçisi Oybek Titiyev məhkəmə qərarından 11 gün sonra sərbəst buraxılıb, - Azadlıq Radiosu xəbər verir.

Titiyev iyunun 21-də Argun şəhərindəki həbsxananı tərk edib. O, həbsxananın divarları qarşısında ailəsi, qohumları, dostları, həmkarları, tərəfdarları və jurnalistlər tərəfindən qarşılanıb.

Çeçenistanın Şali rayon məhkəməsi iyunun 10-da Tifiyevin vaxtından əvvəl azadlığa buraxılması haqda qərar verib.

“Memorial” Çeçenistan İnsan Hüquqları Qrupunun 61 yaşlı rəhbəri Titiyev 2018-ci ilin yanvar ayında polis tərəfindən saxlanılıb. Onun üzərində marixuana tapıldığı iddia edilib.

Titiyev deyir ki, onun cibinə marixuana “Memorial”ın Çeçenistanda fəaliyyətini susdurmaq üçün hakimiyyət orqanları tərəfindən niyyətli qoyulub.

Mart ayında Şali məhkəməsi Titiyevi qanunsuz narkotik maddə saxlamaq ittihamı ilə məhkum edib və Argun cəza həbsxanasında dörd il məcburi əməyə cəlb edib.

Titiyev, vəkilləri və dəstəkçiləri ona qarşı olan ittihamları rədd edirlər və ittihamların siyasi motivli olduğunu deyiblər.

Titiyevin məhkəməsi Rusiyadakı hüququn aliliyi ilə bağlı narahatlıqlarını bildirən qərb hökumətləri tərəfindən yaxından izlənib. Beynəlxalq insan haqları qrupları Titiyevin mühakiməsini komediya adlandırıb.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/caj084

Ən çox baxılan