”Daşınması mümkün olmadığına görə PHS-lər yerində zərərsizləşdirilib, nəticə etibarilə 2100 kv.m ərazi yoxlanılıb”
APA Ərazilərinin Minalardan Təmizlənməsi üzrə Milli Agentliyin (ANAMA) mətbuat xidmətinə istinadən xəbər verir ki, Füzuli rayonu ərazisində xeyli sayda partlamamış hərbi sursat (PHS) tapılıb.
Məlumatda qeyd olunur ki, rayonun Alxanlı kəndidəki otlaq sahəsində 24 ədəd 82 mm-lik minaatan mərmisi (O-832), 4 ədəd PQ-9 raketinin gilizi, 1 ədəd 122 mm-lik top mərmisi (OF-462P), 1 ədəd 125 mm-lik tank mərmisi (OF-26), 18 ədəd 5.45 çaplı patron, 25 ədəd mina (23 ədəd tank əleyhinə minanın partladıcısı (MVZ-57) və 2 ədəd piyada əleyhinə mina (OZM-72)) aşkar olunub.
“Daşınması mümkün olmadığına görə PHS-lər yerində zərərsizləşdirilib, nəticə etibarilə 2100 kv.m ərazi yoxlanılıb”,-deyə xəbərdə bildirilib.
