Bolqarıstanda araşdırmaçı jurnalist öldürülüb

Viktoriya Marinova

Viktoriya Marinova

Jurnalistin cəsədi parkda tapılıb

Bolqarıstanda polis araşdırmaçı jurnalist Viktoriya Marinovanın qətlini araşdırır.

BBC Azərbaycan xidmətinin məlumatına görə, jurnalistin cəsədi şənbə günü Dunay çayı yaxınlığında Ruse şəhərindəki bir parkda tapılıb.

30 yaşlı jurnalistin ölümünün onun yerli televiziya stansiyası, TVN-dəki işi ilə əlaqəli olub-olmadığı hələ ki, məlum deyil.

İstintaq onun ölümünün şəxsi və ya peşə fəaliyyəti ilə bağlı olub, olmadığını araşdırır. Beynəlalq təşkilatlar jurnalistin ölümünü qınayıb.

"Bolqarıstanda araşdırmaçı jurnalist Viktoria Marinovanın dəhşətli qətlindən şok oldum ", Avropada Təhlükəsizlik və Əməkdaşlıq təşkilatının media azadlığı nümayəndəsi Harlem Desir "Twitter" sosial şəbəkəsində yazıb.

"Təcili olaraq tam və hərtərəfli araşrımaya çağırırıq, məsul şəxslər cavab verməlidirlər ", - deyə o yazıb.

Viktoriya Marinova 2017-ci ilin əvvəlindən bəri Avropa İttifaqında öldürülən dördüncü jurnalistidir.

2017-ci ilin avqustunda Kopenhagendə İsveç müxbir Kim Wall müsahibə almaq üçün görüşdüyü danimarkalı ixtiraçı Peter Madsen tərəfindən öldürülüb.

2017-ci ilin oktyabrında maltalı jurnalist Daphne Caruana Galizianın avtomobili evinin yaxınlığında partladılmışdı.

Bu ilin fevralında isə slovakiyalı jurnalist Jan Kuciak və nişanlısı Martina Kusnirova öldürülüb

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/bl2hdb

Ən çox baxılan