Azərbaycan-Slovakiya oyunu

Mənbə: Foto: Azərtac

Başlıq: Azərbaycan-Slovakiya oyunu

''Bölmədə dedilər ki, istefanı baş məşqçiyə ünvanladığımız barədə açıqlama yazaq''

Oyun zamanı saxlanılan azarkeşlər buraxılıb

İyunun 11-də Avro-2020-nin seçmə mərhələsində keçirilmiş Azərbaycan – Slovakiya oyunu zamanı “istefa” şüarları səsləndirdikləri üçün saxlanılan azarkeşlərin hamısı buraxılıb.

Məlumatı “Turan” azarkeşlərə istinadən yayıb.

Onlardan biri -İmran Hacıbəyli bildirib ki, Azərbaycan yığması Slovakiya komandası ilə oyunda üç qol buraxdıqdan sonra tamaşaçılar yerlərindən qalxaraq "İstefa!" şüarını səsləndirməyə başlayıblar.

4-cü qoldan sonra şüar daha ucadan səsləndirilib. Mülki geyimli şəxslər İ.Hacıbəylini və daha 16 azarkeşi polis bölməsinə aparıblar.

“Bölmədə dedilər ki, istefa tələbinin yığmanın baş məşqçisinə (xorvatiyalı mütəxəssis Nikola Yurçeviç) ünvanlanması barədə açıqlama yazaq”. Əslində "İstefa!" şüarı AFFA rəhbəliyinə ünvanlanıb.

Saat 23.00-a yaxın saxlanılanların hamısı buraxılıb. 24-cü polis bölməsindən və DİN-dən şərh almaq mümkün olmayıb.

AFFA rəhbərliyinin istefa tələbi ilə bağlı sosial şəbəkələrdə də kampaniya başladılıb.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/jifufd

Ən çox baxılan