BMT

Mənbə: arxiv

Başlıq: BMT

BMT: Əsəd və Rusiya qüvvələrinin Suriyaya zərbələri cihadçılar qədər müharibə cinayətidir

“Əvvəllər Nusra Cəbhəsi olaraq bilinən HTS döyüşçüləri məhbuslara işgəncə verib, onları edam edib”

Suriya və Rusiya təyyarələri İdlib əyalətindəki məktəblərə, xəstəxanalara və bazarlara müharibə cinayətləri sayılacaq qədər ölümcül hava zərbələri endiriblər, - BMT araşdırmacıları bildiriblər.

“Reuters” xəbər verir ki, BMT araşdırmacıları çərşənbə axşamı açıqladıqları hesabatda cihadçıların hücumlarını da qınayıblar.

Hökumət qüvvələrinin Türkiyə ilə atəşkəsdən sonra yenidən başlatdığı hava zərbələri yüzlərlə insanın həyatına son qoyub və bir milyona yaxın mülki insan didərgin düşüb. Hesabatda baş verənlər insanlığa qarşı cinayət adlandırılıb.

BMT-nin Suriyaya dair İstintaq Komissiyası Suriyanın şimal-qərb hissəsini nəzarətdə saxlayan cihadçı qrup olan Hayat Tahrir al-Şamı (HTS) mülki ərazilərə atəşi açmaqda günahlandırıb. Qurum HTS-nin hücum zamanı “heç bir qanuni hərbi məqsədi olmadığını” bildirib.

“Əvvəllər Nusra Cəbhəsi olaraq bilinən HTS döyüşçüləri məhbuslara işgəncə verib, onları edam edib”, - hesabatda deyilir.

“Hərbi kampaniyadan aydın olan budur ki, hökumətyönlü qüvvələr və BMT-nin müəyyən etdiyi terrorçular müharibə qanunlarını və suriyalı mülki şəxslərin hüquqlarını kobud şəkildə pozublar”, - BMT panelinin sədri Paulo Pinheiro deyib.

2019 -cu ilin noyabrından 2020-ci ilin iyununa qədər olan dövrü əhatə edən hesabat məlumatlar və şahid ifadələrinə əsaslanıb.

Suriyanın şimal-qərbində baş tutmuş 47-si Rusiyanın dəstəklədiyi Suriya hökumətinə aid olan 52 hücumu əhatə edən araşdırmada qeyd edilib ki, Rusiyanın döyüş təyyarələri 5 mart tarixində qaçqınların məskunlaşdığı Marat Misrin yaxınlığındakı quşçuluq təsərrüfatına edilmiş hücumda və üsyançıların əlində olan Ariha şəhərində xəstəxananın yanında həyata keçirilmiş üç hücumda iştirak edib. Rusiya son hücumda iştirakı rədd edib.

Bölgə bir çox islamçı silahlı və müxalif qruplara ev sahibliyi edir.

“Komissiya hökumətyönlü qüvvələrin tibb işçilərinə və obyektlərinə qəsdən hücum etməklə müharibə cinayətləri törətdiklərinə inanmaq üçün kifayət qədər əsaslara sahibdir”, - hesabtda qeyd edilib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/5gz8u4

Ən çox baxılan