BMT

Mənbə: meydan tv

Başlıq: BMT

BMT: Əfqanıstanda son dörd ildə uşaqlara qarşı 14 min zorakılıq faktı qeydə alınıb

Qurumun Baş katibi Antonio Guterres vəziyyəti şiddətlə qınadığını deyib

Əfqanıstanda son dörd ildə təhlükəsizliklə bağlı vəziyyətin pisləşməsi 14 mindən çox uşağın zorakılıqlarla qarşılaşmasına səbəb olub. BMT-nin hesabatında qeyd edilir ki, bu illər ərzində Əfqanıstanda 3500 uşaq öldürülüb.

BMT-nin Baş katibi Antonio Guterres bütün tərəflərin etdiyi kobud qanun pozuntularının narahatlıq səviyyəsinə çatdığını və bütün bu zorkılıqların ağır yükünü uşaqların daşıdığını bildirib. O, yaranmış vəziyyəti şiddətlə qınayıb.

Hesabatda deyilir ki, indiyədək 9 minə yaxın uşaq silahlı qarşıdurmada yaralanıb.

Guterres həmçinin bildirib ki, 2015-18-ci illərdə öldürülən və ya xəsarət alan uşaqların sayı bütün mülki itkilərin üçdə birini təşkil edib. “Bu, əvvəlki dörd ilə nisbətən uşaq itkisində 82 faiz artım deməkdir” deyə, o qeyd edib.

Əfqanıstanda uşaqlar və silahlı qarşıdurmalarla əlaqədar hazırlanmış dördüncü hesabatda bildirilir ki, uşaq ölümü və ya xəsarətin artmasının səbəbi müharibənin partlayıcı qalıqları, hava hücumları olub.

Hesabatda bildirilir ki, bu rəqəm hava hücumları nəticəsində öldürülmüş mülki şəxslərin 40 faizini təşkil edir.

Guterres hökumət və hökumətyönlü qüvvələr tərəfindən edilən hava əməliyyatları nəticəsində ölən və yaralanan uşaqların çoxluğundan son dərəcə narahat olduğunu bildirib.

BMT-nin Baş katibi xüsusilə vurğulayıb ki, silahlı qruplaşmalar uşaq itkisinin 43 faizi (3450 nəfər öldürülmüş və 9.149 nəfər yaralanmış uşaq) üçün məsuliyyət daşıyır. “Hökumət və hökumətyönlü qüvvələr isə uşaq itkilərinin 30 faizinə cavabdehdir”, - o bildirib.

Hesabatda bildirilir ki, BMT 274 uşağın silahlı qruplar və hökumət qüvvələri tərəfindən hücumlarda istifadə edildiyini təsdiqləyib. Əfqan münaqişəsində işə cəlb olunan və istifadə olunan uşaqların həqiqi sayının daha çox olduğu deyilir. 2016-cı ildə silahlı qruplar tərəfindən 3.000-dən çox uşaq istifadə edilib.

Ayrıca 13 oğlan və dörd qıza qarşı cinsi zorakılığın sənədləşdirildiyini qeyd edən Guterres əsl sayın daha yüksək olduğunu bildirib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/hsajgl

Ən çox baxılan