Birinci vitse-spiker parlament seçkilərinin vaxtının dəyişdirilməsinə zərurət görmür

Ziyafət Əsgərov

Ziyafət Əsgərov

''Seçkilərin keçiriləcəyi tarixlər üst-üstə düşmür''

Növbəti parlament seçkilərinin vaxtının irəli çəkiləcəyi ilə bağlı iddialar yalandır.

“Report” xəbər verir ki, bunu Milli Məclis sədrinin birinci müavini Ziyafət Əsgərov deyib.

O, bunda zərurət olmadığını deyib.

Z.Əsgərovun sözlərinə görə, Azərbaycanda seçkilərin keçiriləcəyi tarixlər üst-üstə düşmür:

“Bunlar Seçki Məcəlləsi ilə tənzimlənir. İddialar başqa, qanunvericilik başqa şeydir”.

2018-ci ilin oktyabr ayına planlaşdırılan prezident seçkilərinin həmin ilin aprel ayına dəyişdirilməsi, növbəti parlament seçkilərinin də vaxtının dəyişdiriləcəyi barədə söhbətlərə əsas verib.

Növbədənkənar parlament seçkiləri haqda ilk iddianı ReAL sədri İlqar Məmmədov səsləndirmişdi.

Sonuncu parlament seçkiləri 2015-ci ilin noyabrında baş tutub. Milli Məclisə növbəti seçkilərin keçirilməsi 2020-ci ildə nəzərdə tutulub.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/lwrx5f

Ən çox baxılan