Mənbə: Meydan TV

"Bir qığılcım olsa, 3 saniyəyə bu bina yanar"

"Bir qığılcım olsa, 3 saniyəyə bu bina yanar"

Badamdarda yerləşən "Gəmi təmiri" yataqxanasının sakinləri şəraitsizlikdən şikayətçidir. Onlar 27 ildir məskunlaşdıqları yerin artıq yaşayış üçün uyğun olmadığını deyirlər. Sakinlərdən biri - Nüşabə Rəhimova deyir ki, vəziyyətə görə, onların yuxusu ərşə çəkilib. 2 mərtəbəli taxta yataqxanada yaşayanlar daha çox qısaqapanmadan narahatdırlar. Sakinlər artıq dövlət qurumlarından da əllərini üzüblər.

Qaçqın və Məcburi Köçkünlərlə İş üzrə Dövlət Komitəsindən Meydan TV-yə məsələ ilə bağlı verilən açıqlama isə belə oldu:

"Səbail rayonu, Badamdar qəsəbəsi Nurəddin Paşayev 47 ünvanında yerləşən keçmiş “Gəmi təmiri” yataqxanasında müvəqqəti məskunlaşmış məcburi köçkün ailələrinin vəziyyəti ilə Dövlət Komitəsinin rəhbərliyi və Səbail rayonu üzrə nümayəndəliyi maraqlanır. Məcburi köçkünlər üçün yeni qəsəbə istifadəyə verilən zaman qeyd edilən ünvanda müvəqqəti məskunlaşmış məcburi köçkün ailələrinin köçürülməsinə mərhələli şəkildə baxıla bilər".

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/76bpxb

Ən çox baxılan