Kristina Timanovskaya

Mənbə: Instagram / kristi_timanovskaya

Başlıq: Kristina Timanovskaya

Belaruslu idmançı Polşadan siyasi sığınacaq istəyib

Məqalə yeniləndi:  2 Avqust 2021

"Еvrоrаdiо"-nun materialları əsasında

Belarus Respublikasının yüngül atleti Kristina Timanovskaya məşqçilərin qərarını yerinə yetirməkdən və Tokioda keçirilən Olimpiadadan qayıtmaqdan imtina edib.

O, Polşada siyasi sığınacaq almaq üçün sənəd verib. Daha əvvəl xəbər verildiyi kimi, Çexiya həmçinin Timanovskayaya öz köməyini təklif edib.

Timanovskaya 4x400 metr məsafəni qaçmaqdan imtina etdiyi üçün onun departasiya olunması barədə qərar verilib. Qərarı həmçinin idmançının psixoloji vəziyyəti ilə əsaslandırıblar. Hazırda idmançı yapon hökumətinin mühafizəsi altındadır.

İdmançı avqustun 2-si 200 metrlik məsafədə hazırlıq qaçışında iştirak etməli idi. Belarusun Milli Olimpiada Komitəsinin (MOK) rəsmi bəyanatında deyilir ki, idmançının milli komandadan kənarlaşdırılmasına səbəb onun emosional-psixoloji vəziyyəti olub. Bəyanatda qeyd edilir ki, qərar həkimlərin tövsiyəsi əsasında verilib. Hərçənd idmançı bu məlumatı təkzib edib və tibb işçilərinin onu müayinə etmədiyini söyləyib.

Timanovskaya milli komandadan kənarlaşdırılmazdan az əvvəl Belarusun idman sahəsindəki məmurlarını tənqid edib. İdmançı onu 4x400 metr məsafədə qaçmağa məcbur etdiklərini söyləyib, halbuki məlum distansiya Timanovskayanın öhdəliyi deyil. Belə ki, o, 100 və 200 metr məsafələrdə ixtisaslaşıb.

Belarus milli yığmasının idmançısını İstanbula gedən təyyarəyə minməyə məcbur etdikləri məlum olub. Timanovskaya Tokio hava limanında onu zorla apardıqlarını bəyan edib. Məsələyə yapon polisi və Beynəlxalq Olimpiya Komitəsinin (BOK) nümayəndələri müdaxilə edib. BOK-də Belarusun MOK-dən izahat istəyiblər. Oyunların Təşkilat Komitəsi də istintaqa qoşulub.

Timanovskaya “Reuters” agentliyinə müsahibəsində Tokio hava limanında yerli polisdən yardım istədiyini və polisin onu müdafiə etdiyini söyləyib. İdmançı Belarus hakimiyyətinin ona təzyiq göstərdiyini və bu səbəbən vətənə qayıtmaq niyyətində olmadığını bəyan edib. O, evə qayıdacağı halda dəmir barmaqlıqlar arasına düşəcəyindən əmindir.

Timanovskaya siyasi sığınacaq verilməsi barədə müraciət edəcəyini söyləyib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  2 Avqust 2021
Bölmələr:  
qısa linklər:   http://mtv.re/urs2t3

Ən çox baxılan