Elmin Bədəlov

Mənbə: Foto: Meydan TV

Başlıq: Elmin Bədəlov

Baş rejissor bu dəfə məhkəməyə qolları bağlı gəlib

Elmin Bədəlov bununla incəsənətə, xüsusilə də teatr azadlığının boğulmasına diqqət çəkmək istədiyini bildirib

1 saylı Bakı İnzibati-İqtisadi Məhkəməsində ADO teatrının Mədəniyyət Nazirliyinə qarşı növbəti məhkəmə prosesi keçirilib.

Bu il oktyabrın 30-da keçirilən ilk məhkəmə prosesinə başında qəfəslə gələn teatrın qurucusu, baş rejissor və aktyoru Elmin Bədəlovun bu dəfə qolları bağlı olub. O, bununla incəsənətə, xüsusilə də teatr azadlığının boğulmasına diqqət çəkmək istədiyini bildirib.

Hakim Şəhla Süleymanovanın sədrliyi ilə keçirilən məhkəmə prosesində Mədəniyyət Nazirliyindən nümayəndə iştirak edib. Bildirib ki, ADO-nun nazirliyə ünvanladığı məktublar eyni tərkibli olduğu üçün təkrar şərh verməyə lüzum görülməyib.

Məhkəmənin sədri Mədəniyyət Nazirliyindən küçə tamaşalarının keçirilməməsinə dair əsaslı cavab verilməyini istəyib. Qarşı tərəf növbəti prosesdə teatrın çıxışlarına icazə verməmək səbəblərinə aydınlıq gətiriləcəyini bildirib.

Növbəti məhkəmə prosesi dekabrın 6-da, saat 16:45-də olacaq.

Bakı Şəhər İcra Hakimiyyətinə qarşı qaldırılmış iddia əsasında keçiriləcək məhkəmə prosesi isə dekabrın 5-də olacaq.

İlk müstəqil teatr olan ADO (Azərbaycan Dağınıq Oda teatrı) 2 ildən çoxdur ki, küçə performansları nümayiş etdirmək üçün Mədəniyyət Nazirliyinə və Bakı Şəhər İcra Hakimiyyətinə dəfələrlə rəsmi müraciətlər etsə də, müsbət cavab almayıb.

Teatr bununla bağlı Mədəniyyət Nazirliyini və Bakı İcra Hakimiyyətini məhkəməyə verib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/oq3ugm

Ən çox baxılan