Baş redaktor: Ölkədən çıxışıma qadağa qoyulub

Pərviz Həşimli

Pərviz Həşimli

Pərviz Həşimli

Pərviz Həşimli

Pərviz Həşimli rəhbərlik etdiyi saytın da bloklandığını deyir

“Gununsesi.info” saytının baş redaktoru Pərviz Həşimlinin ölkədən çıxışına qadağa qoyulub. Eyni zamanda, sayt bloklanıb.

Bu barədə Pərviz Həşimli “Facebook” səhifəsində məlumat paylaşıb.

P.Həşimli deyir ki, xəbərdarlıq və məhkəmə qərarı olmadan “gununsesi.info” saytı bloklanıb:

“İstindaqda dindirildim, amma imzaladığım iltizamın detallarından yazmayacam. Qarşıma qoyulan 10 yazının beşi Respublika Prokurorluğuna istinadən dərc olunub. Qalanları isə təkzibi mümkün olmayan xəbərlərdir. Bütün bunlar azmış kimi ölkədən çıxışıma qadağa qoyulub. Atamı Gürcüstana müayinəyə apararkən sərhəddən buraxmadılar. Şahid kimi dindirildiyimi nəzərə aldıqda, bu hərəkəti qanunsuz sayıram”.

Pərviz Həşimli saytın bağlanması haqda mesaj aldığını və qəbul etdiyini bildirib:

“Susub zamanın axarına buraxdıq, o zaman qadağalar nəyə lazım?! Bununla belə, ümid edirəm ki, prokurorluq bu dəfə mənə qarşı ədalətli olacaq”.

Pərviz Həşimli 2014-cü ildə Cinayət Məcəlləsinin 228-ci (qanunsuz silah-sursat saxlama) və 206-cı (qaçaqmalçılıq) maddələri ilə 8 il 6 ay azadlıqdan məhrum edilmişdi. Jurnalisti 2013-cü il sentyabrın 17-də keçmiş Milli Təhlükəsizlik Nazirliyinin (MTN) əməkdaşları həbs etmişdilər.

O, 2016-cı ilin martında əfv edilib.

Həbsdən çıxandan sonra, o, hökumətyönümlü olduğu iddia edilən “gununsesi.info” saytını təsis edib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/6j8sxw

Ən çox baxılan