Baş redaktor həbsdə qaldı

İkram Rafiqoğlu

İkram Rafiqoğlu

İkram Rəhimovun şikayəti təmin olunmadı

Bakı Apelyasiya Məhkəməsi dekabrın 6-da “realliq.info” saytının həbsdə olan redaktoru İkram Rəhimovun vəkillərinin şikayətinə baxıb.

Jurnalistin özü də prosesdə iştirak edib.

İkram Rəhimov deyib ki, istintaqdan gizlənmək, yayınmaq kimi niyyəti olmayıb. Ona görə də rayon məhkəməsinin həbs tədbirinin ev dustaqlığı ilə dəyişdirilməsindən imtina etməsi qanuni deyil.

Ancaq Bakı Apelyasiya Məhkəməsinin hakimi Mirzəli Abbasovun sədrlik etdiyi kollegiya Səbail Rayon Məhkəməsinin İ.Rəhimovun ev dustaqlığına buraxılmaması haqqında qərarını qüvvədə saxlayıb.

İ.Rəhimov oktyabrın 26-da DTX əməkdaşları tərəfindən saxlanılıb.

O, Cinayət Məcəlləsinin CM-in 182.2.1 və 182.2.2-ci (əvvəlcədən əlbir olan bir qrup şəxs tərəfindən şantaj) maddələrində nəzərdə tutulmuş cinayətlərin törədilməsində şübhəli şəxs kimi saxlanılıb. İ.Rəhimov ittihamları rədd edir.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/3rwbio

Ən çox baxılan