Banklar manatdan imtina edib

Banklar manatdan imtina etmələrini son günlər onun məzənnəsində yaranmış qeyri-müəyyən vəziyyətlə, daha dəqiq desək, milli valyutanın dəyərdən düşməsi ilə izah edirlər

Azərbaycan banklarının bir qismi manatla kredit ayrılmasını dayandırıb. Bu, fins.az-ın bank sektorunda apardığı araşdırma nəticəsində məlum olub. Söhbət əsasən kütləvi şəkildə istehlak kreditləşməsi ilə məşğul olan banklardan (“Accessbank”, “Amrahbank”, “Azər-Türk Bank”, “Bank of Baku”, “Bank BTB”, “Bank Respublika”, “Bank Standard”, “Dəmirbank”, “Xalq Bank”, “Muğanbank”, “Rabitəbank”, “Bank Technique”, “Unibank”) gedir.

Banklar manatdan imtina etmələrini son günlər onun məzənnəsində yaranmış qeyri-müəyyən vəziyyətlə, daha dəqiq desək, milli valyutanın dəyərdən düşməsi ilə izah edirlər.

Bununla belə, kredit təşkilatlarının bir qismi həm manatla, həm də ABŞ dolları ilə kredit ayırır. Bəzi banklar isə kreditləşmədə yalnız manatdan istifadə edir. Banklar arasında kredit verilməsini hər iki valyuta ilə dayandıranlar da var.

İqtisadçı Vüqar Bayramov ANS.TV-yə açıqlamasında bildirib ki, bank siyasətinə görə, kreditlər hər iki valyuta ilə aparılmalıdır. Əgər vətəndaş krediti manatla götürübsə, ondan dollarla ödəniş etməsini tələb etmək doğru deyil. Eyni zamanda bankların krediti yalnız dollarla verməsi də qanun pozuntusudur.

№	Kommersiya bankının adı	Manat	Dollar
1	“Accessbank”	–	+
2	“AFB Bank”	+	–
3	“Amrahbank”	–	+
4	“AG Bank”	+	–
5	“Atabank”	+	+
6	“Atrabank”	–	+
7	“Azərbaycan Beynəlxalq Bankı”	+	–
8	“Azərbaycan Kredit Bankı”	–	–
9	“Azərbaycan Sənaye Bankı”	+	–
10	“Azər-Türk Bank”	–	+
11	“Bank Avrasiya”	+	+
12	“Bank of Baku”	–	+
13	“Bank of Azerbaijan”	–	–
14	“Bank BTB”	–	+
15	“Bank Respublika”	–	+
16	“Bank Silk Vey”	–	–
17	“Bank Standard”	–	+
18	“Bank VTB”	+	+
19	“Caspian Development Bank”	–	–
20	“Dekabank”	–	–
21	“Dəmirbank”	–	+
22	“Expressbank”	+	+
23	“Eurobank”	–	–
24	“Gəncəbank”	+	–
25	“Günaybank”	+	+
26	“Xalq Bank”	–	+
27	“Kapitalbank”	+	–
28	“Kredobank”	–	–
29	“Qafqaz İnkişaf Bankı”	–	–
30	İran Milli Bankının Bakı filialı	+	+
31	“Muğanbank”	–	+
32	“Naxçıvanbank”	+	+
33	“NBC Bank”	+	+
34	“Nikoil Bank”	–	–
35	Pakistan Milli Bankının Bakı filialı	–	–
36	“Parabank”	+	–
37	“PAŞA Bank”	+	+
38	“Rabitəbank”	–	+
39	“Bank Technique”	–	+
40	“Turanbank”	+	+
41	“Unibank”	–	+
42	“Yapı Kredi Bank Azərbaycan”	+	+
43	“Yunayted Kredit Bank”	–	–
44	“Zaminbank”	–	–