Rusiyanın Ryazan vilayət məhkəməsi Azərbaycanda doğulmuş Mehriban Lukinskayanı beş il müddətinə həbs edib.
Bu barədə “Mediazona” məhkəmənin mətbuat xidmətinə istinadən xəbər yayıb.
Lukinskaya Rusiya Cinayət Məcəlləsinin 275.1-ci maddəsi – xarici dövlət və ya beynəlxalq təşkilatla məxfi əməkdaşlıqda ittiham olunaraq təqsirli bilinib. Təffərrüatlar açıqlanmır.
Onun barəsində cinayət işi 2025-ci ilin mayında məhkəməyə təqdim olunub.
Məlumata görə, 55 yaşlı Lukinskaya Bakıda doğulub, 2017-2021-ci illərdə Ryazandakı boru zavodunda, eləcə də ağır döymə-pres avadanlıqları istehsalı müəssisəsində çalışıb.
Luki̇nskayanın qohumları və vəkili şərh verməkdən imtina ediblər.
