Mənbə: Meydan.tv

Azərbaycanlılar Almaniyada Ağdamın işğal günü ilə bağlı aksiya keçirdilər

İyulun 20-də azərbaycanlı mühacirlər BMT-nin Almaniyanın Bonn şəhərindəki ofisinin qarşısına toplanıblar. Tədbiri Avropada yaşayan ağdamlılar Ağdam rayonunun işğalının növbəti ildönümü münasibətilə təşkil ediblər.

Ağdam rayonu 23 iyul 1993-cü ildən Ermənistan tərəfinin işğalı altınadır.

Aksiyanın təşkilatçılarından Rafiq Təmrazovun Meydan TV-yə verdiyi məlumata görə, tədbirə Avropanın müxtəlif ölkələrində yaşayan azərbaycanlılar, əsasən ağdamlılar qatılıblar:

“Təxminən 70-dək insan 2 saata yaxın BMT-nin ofisinin qarşısında mitinq keçirdi. Əsasən Qarabağın işğalında Ermənistanın xüsusi rolu, Rusiyanın dəstəyi, BMT-nin Qarabağın işğalı ilə bağlı 4 qətnaməsinin yerinə yetirilməməsi məsələsi diqqətə çatdırıldı. Eyni zamanda Qarabağ probleminin həllinə mane olan qüvvələrdən danışıldı, Rusiyanın mövqeyi səsləndirildi, Azərbaycan hakimiyyətinin rolu, etdiyi yanlışlıqlar sadalandı”. Tədbirdə Demokratik Azərbaycanı Seç (DAS), AND, Müsavat Avropa Koordinasiya Mərkəzi (Müsavat AKM) təşkilatlarının üzvləri, eləcə də Qarabağa Azadlıq Təşkilatının sədri Akif Nağı, keçmiş döyüşçülər, şəhid ailələrinin üzvləri iştirak ediblər.

R.Təmrazovun sözlərinə görə, sonda aksiya iştirakçılarının BMT-yə ünvanlanmış bəyanatı səsləndirilib. Qarabağın Azərbaycan torpağı olması, problemin tezliklə həllinin vacibliyi bəyanatda vurğulanıb.

Azərbaycanlılar Almaniyada Ağdamın işğal günü ilə bağlı aksiya keçirdilər

Azərbaycanlılar Almaniyada Ağdamın işğal günü ilə bağlı aksiya keçirdilər

Mənbə: Meydan.tv

Azərbaycanlılar Almaniyada Ağdamın işğal günü ilə bağlı aksiya keçirdilər

Azərbaycanlılar Almaniyada Ağdamın işğal günü ilə bağlı aksiya keçirdilər

Mənbə: Meydan.tv

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/0owsvs

Ən çox baxılan