“Oturacaqlar” filmi

Mənbə: Foto: Meydan tv

Başlıq: “Oturacaqlar” filmi

Azərbaycanlı rejissorun “Oturacaqlar”ı “Ən yaxşı film” seçilib

Film rejissorun diplom işidir

Azərbaycanlı rejissor Orxan Ağazadənin dram janrında çəkdiyi “Oturacaqlar” filmi növbəti dəfə mükafata layiq görülüb.

Film Bişkek şəhərində görkəmli qızğız aktyoru Suymenkul Çokmorovun xatirəsinə həsr olunan Müstəqil Dövlətlər Birliyi (MDB) gənc rejissorlarının VII “Umut” Forumunda nümayiş olunub.

Forumda ümumilikdə 32 qısametrajlı filmi göstərilib.

Tədbirdə Azərbaycanı Orxan Ağazadə ilə yanaşı Daniel Quliyevin “Yaramaz” filmi təmsil edib.

Orxan Ağazadənin “Oturacaqlar” ekran işi beynəlxalq nominasiya üzrə “Ən yaxşı film” seçilib.

“Oturacaqlar” rejissorun diplom işidir, müasir dövrdə dağ kəndində yaşayan iki gəncin həyatından bəhs edir.

Azərbaycanlı və ingilis kinematoqrafçıların birgə ərsəyə gətirdiyi filmin ssenari müəllifi də Orxan Ağazadədir. Rolları Səyyad Əliyev, Zülfiyyə Nəzər Məmmədova, İsgəndər Abbasov və başqaları oynayırlar.

“Oturacaqlar” filmi bir sıra beynəlxalq festivallarda nümayiş olunaraq, mükafatlandırılıb.

Orxan Ağazadə Gənc Sinemaçılar Klubunun üzvüdür. London Film Məktəbini bitirib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/n5fqw6

Ən çox baxılan