Tahir Bababəyli

Mənbə: Foto: sosial şəbəkə

Başlıq: Tahir Bababəyli

Azərbaycanlı həkim koronavirusdan vəfat edib

Məqalə yeniləndi:  16 May 2020

Türkiyədə çalışan Tahir Bababəylinin həyatını xilas etmək mümkün olmayıb

İstanbulda Kayabaşı Məhəlləsi Xəstəxanasında çalışan azərbaycanlı həkim Tahir Bababəyli mayın 10-da COVİD-19 infeksiyasına yoluxma diaqnozu ilə vəfat edib.

61 yaşlı Tahir Bababəyli uzun illər idi İstanbulda çalışırdı, o aprelin 10-da koronavirus infeksiyasına yoluxmuşdu, 20 gün əvvəl isə komaya düşüb.

Bu barədə Meydan TV-yə Türkiyədə yaşayan professor Toğrul İsmayıl məlumat verib.

Toğrul İsmayıl güman edir ki, Tahir Bababəylinin cənazəsi Azərbaycana gətiriləcək. Çünki yaxınları Bakıda yaşayır.

O, Tahir Bababəylinin ötən əsrin 80-ci illərində başlanan milli azadlıq hərəkatında iştirak etdiyini bildirib.

Türkiyə mətbuatı dünən 47 nəfərin koronavirusdan öldüyü haqqında məlumat yayıb. Qonşu ölkədə koronavirusdan ölənlərin sayı 3 786 nəfərə çatıb.

Ümumilikdə Türkiyədə 138 657 nəfər COVİD-19 infeksiyasına yoluxub. 92 691 nəfər isə sağalıb.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  16 May 2020
Bölmələr:  
qısa linklər:   http://mtv.re/tvp4rb

Ən çox baxılan