Elvin İsayev

Mənbə: meydan tv

Başlıq: Elvin İsayev

Azərbaycanlı bloger Rusiyadan deportasiya oluna bilər

Elvin İsayevin xanımı Putinə müraciət edib

Azərbaycanlı bloger Elvin İsayevin Rusiya vətəndaşlığı ləğv edilib.

Məlumatı lenta.ru yayıb.

Bildirilib ki, Rusiya polisi Elvin İsayevin pasportunu qanunsuz sayıb, onu ölkədə qalma rejimini pozmaqda günahkar sayaraq 5 min rubl cərimələyiblər.

Hazırda Elvin İsayev Leninqrad vilayətinin Miqrantların Müvəqqəti Saxlanılma Mərkəzindədir və onun Azərbaycana deportasiya olunması gözlənilir.

Elvin İsayev Azərbaycan hakimiyyətinin tənqidçisi kimi təqdim olunur, o, Rusiya pasportunu 2001-ci ildə Şimali Osetiyada alıb. 2014-cü ildə sənədlərini itirdiyi üçün pasportunu dəyişib. Azərbaycan pasportundan isə 18 il əvvəl imtina edib.

Elvin İsayevin həyat yoldaşı prezident Putinə onun deportasiya edilməsinə imkan verməməsi üçün müraciət edib.

Elvin İsayev həmçinin bildirib ki, 2017-ci ildə onun hakimiyyət nümayəndəsinə müqavimət maddəsi ilə məhkəməsi olub və o zaman həmin Rusiya pasportu təsdiqlənib. İsayev deyib ki, Sankt Peterburqda onun həyat yoldaşı, iki həddi-büluğa çatmayan övladı, anası və qardaşları yaşayır. Onun sözlərinə görə, Azərbaycanda yaşamağa yeri yoxdur.

Elvin İsayevin vəkilləri məhkəmənin hökmündən şikayət edəcəklərini bildiriblər.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/8gr7d8

Ən çox baxılan