Aysel Yusubova

Mənbə: Foto: Meydan tv

Başlıq: Aysel Yusubova

Azərbaycanlı aktrisa Hollivuddan təklif aldığını deyir

Təklifi qəbul edərsə, filmdə isveçli aktrisa, “Oskar” mükafatının sahibi Alisiya Vikanderin bacısı roluna çəkiləcək

Zaqatala Xalq Teatrının aktrisası Aysel Yusubova Hollivud filmində oynamaq barədə təklif aldığını deyir.

Aktrisa Meydan TV-yə açıqlamasında Amerikanın BDAmerika kino şirkəti tərəfindən ona “Tomb Raider: Lara Kroft” filmində oynamaq dəvətinin gəldiyini bildirib.

O, təklifi qəbul edərsə, filmdə isveçli aktrisa, “Oskar” mükafatının sahibi Alisiya Vikanderin bacısı roluna çəkiləcək.

Azərbaycanlı rejissor və ssenari müəllifi Rəvan Cabbarovun triller janrında çəkdiyi “Aporia” filmində baş rolu oynayan Aysel Yusubova məhz bundan sonra populyarlaşıb. Bu film Türkiyə, Amerika, həmçinin dünyanın ən böyük transmilli şirkəti “Amazon” vasitəsilə yayımlanıb.

Filmdə baş rolu oynayan Aysel Yusubova üçün xarici, həmçinin yerli rejissorların təklifləri gözlənilməz olub:

“Ssenari ilə tanış deyiləm. Ətraflı məlumat aldıqdan sonra təklifi dəyərləndirəcəyəm. Azərbaycanlı rejissorların da filmə çəkilmək təklifləri var, hələ ki, bu haqda qərar verməmişəm”.

Zaqatala Xalq Teatrında həvəskar aktrisa kimi fəaliyyətə başlayan 27 yaşlı Aysel Yusubova hazırda Rəssamlıq Akademiyasının Sənətşünaslıq fakültəsində təhsil alır.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/3nd1hz

Ən çox baxılan