Azərbaycanın lobbiçisi şərti cəzalandırılıb

Kamal Öksüz

Kamal Öksüz

ABŞ məhkəməsi Kemal Öksüzü 20 min dollar cərimə edib

Azərbaycanın ABŞ-dakı lobbiçisi Kemal Öksüz şərti olaraq 2 il azadlıqdan məhrum edilib və 20 min dollar cərimə olunub.

“Turan” agentliyinin məlumatına görə, o, 2013-cü ildə amerikalı qanunvericilərin və onların əməkdaşlarının Azərbaycana səfərinin maliyyələşdirilməsində Azərbaycanın rolu ilə bağlı Konqresə yalan məlumat verdiyinə görə dələduzluqda ittiham olunur.

“Mən utanc hissi keçirirəm və çətin anlar yaşayıram. Qanunsuz hərəkətimə görə məsuliyyəti öz üzərinə götürürəm. Üzr istəyirəm”, - 49 yaşlı K.Öksüz məhkəmədə deyib.

Öz növbəsində hakim Tanya Çutkan proses zamanı deyib: “Cənab Öksüzün həbsxanaya göndərilməsi bizim cəmiyyətə necə kömək edəcək? Bunun mənası olduğunu düşünmürəm”.

Texasdakı qeyri-kommersiya təşkilatının keçmiş prezidentinə 2013-cü ildə konqresmenlərin Bakıya səfərinin Azərbaycan Dövlət Neft Şirkəti (SOCAR) tərəfindən maliyyələşdirilməsinin gizlədilməsi faktı ilə bağlı ittiham irəlü sürülüb.

Prokurorların sözlərinə görə, K.Öksüz bilərəkdən yalan danışıb, konqresmenlərin Azərbaycana səfərindən öncə və sonra Konqresin Etika Komitəsinə təqdim olunan sənədlərdəki məlumatları gizlədib.

Söhbət 2013-cü ildə Amerikanın 10 konqres və müxtəlif ştatların nümayəndələrinin Azərbaycana səfərindən gedir. SOCAR həmin məqsədlə 2,2 milyon dollar ayırmışdı.

2015-ci il mayın 13-də “Washington Post” qəzeti bu səfərin maliyyə mənbələrinin şübhəli olması haqda məqalə dərc etdikdən sonra bu iş ətrafında qalmaqal yaranıb.

ABŞ hakimiyyətindən gizlənən K.Öksüz ötən ilin avqustunda Ermənistanda həbs olunub. Üç ay Yerevan həbsxanasında qalıb. 2018-ci ilin noyabrında ABŞ-a qaytarılıb.

Ədliyyə Departamenti Kemal Öksüzün günahını 2018-ci il dekabrın 10-da etiraf etdiyini bildirib.

O etiraf edib ki, səfərin maliyyələşdirilməsi üçün Azərbaycanın dövlət neft-qaz şirkətindən pul alıb, sonra isə gerçək maliyyə mənbəyini gizlətməklə Konqresin qaydalarını pozub.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/oxrdue

Ən çox baxılan