650 nəfər sağalaraq evə buraxılıb
Yanvarın 16-da Azərbaycanda 402 adam COVİD-19 infeksiyasına yoluxub, 650 nəfər müalicə olunaraq sağalıb.
Bu barədə məlumat yayan Nazirlər Kabineti yanında Operativ Qərargah analiz nümunələri müsbət çıxmış 15 nəfərin öldüyünü bildirib.
Operativ Qərargah Azərbaycanda 226 min 951 nəfərin yeni koronavirus infeksiyasına yoluxduğunu qeyd edib:
“Onlardan 214 min 423 nəfər müalicə olunaraq sağalıb, 2998 pasiyent ölüb. Hazırda aktiv xəstə sayı 9530 nəfərdir”.
O cümlədən, ötən müddətdə 2 milyon 311 min 417 testin aparıldığını xatırladıb:
“Bugünkü test sayı isə 8574-dür”.
