Koronavirus

Mənbə: Foto: sosial şəbəkə

Başlıq: Koronavirus

Azərbaycanda koronavirusla bağlı ikinci ölüm faktı qeydə alınıb

Məqalə yeniləndi:  25 Mart 2020

Ölkədə 6 yeni koronavirusa yoluxma faktı var

Nazirlər Kabineti yanında operativ qərargahın məlumatına görə, martın 25-də Azərbaycanda 6 yeni koronavirus (COVID-19) infeksiyasına yoluxma faktı qeydə alınıb, 1 nəfər isə ölüb.

Ölən şəxs haqda bildirilib ki, vətəndaş yüksək bədən hərarəti və nəfəs darlığı şikayətləri ilə xəstəxanaya müraciət edib. Eyni zamanda şəkərli diabet və ürəyin işemik xəstəliyi olan pasiyentdən COVID-19 üçün götürülən analiz nümunələri müsbət çıxıb.

“Həkimlərin səyinə baxmayaraq, xəstənin vəziyyətinin kəskinləşməsi səbəbindən onun həyatını xilas etmək mümkün olmayıb və pasiyent xəstəxanaya daxil olduğu gün vəfat edib. Ölən şəxsin ailə üzvləri və ünsiyyətdə olduğu digər şəxslər müəyyən olunaraq karantinə götürülüblər”, - məlumatda deyilir.

Bu, Azərbaycanda koronavirus faktı aşkarlanmış ikinci ölümdür.

Operativ qərargahın məlumatına görə, hazırda Azərbaycanda xüsusi rejimli xəstəxanalara yerləşdirilən 81 nəfər aktiv koronavirus xəstəsi həkim nəzarəti altındadır, onlardan 3 nəfərin vəziyyəti ağır, 5 nəfərin vəziyyəti orta ağır qiymətləndirilir, digərlərinin səhhəti stabildir. 2914 nəfər isə rəsmi olaraq karantindədir. Ümumi olaraq 93 nəfərdə koronavirus tapılıb, 10 nəfər sağalıb, 2 nəfər ölüb

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  25 Mart 2020
Bölmələr:  
qısa linklər:   http://mtv.re/awdzrw

Ən çox baxılan