İnfeksiyadan ölənlərin sayı 5 nəfərdir
İyulun 19-da Azərbaycanda 388 adam COVİD-19 infeksiyasına yoluxub, 517 nəfər müalicə olunaraq evə buraxılıb, 5 xəstə isə ölüb.
Son statistikaya əsasən, ilk dəfədir yoluxma sayı 400-dən aşağı düşüb. Ötən gün infeksiyaya yoluxma sayı 497 olub.
Nazirlər Kabineti yanında Operativ Qərargahın yaydığı məlumatda indiyə qədər 27521 nəfər koronavirus infeksiyasına yoluxduğu qeyd edilib:
“Onlardan 18967 nəfər müalicə olunaraq sağalıb, 554 pasiyent ölüb. Hazırda 8200 nəfər xüsusi rejimli xəstəxanalarda müalicə olunur”.
Operativ qərargah son sutkada 8095, ötən müddətdə isə 627881 testin aparıldığını qeyd edib.
