3 nəfərin öldüyü deyilir
Fevralın 11-də Azərbaycanda 140 adam COVİD-19 infeksiyasına yoluxub, 205 nəfər müalicə olunaraq sağalıb.
Nazirlər Kabineti yanında Operativ Qərargahın yaydığı məlumatda 3 nəfərin öldüyü deyilir.
Operativ Qərargah Azərbaycanda indiyə qədər 231 min 649 nəfərin yeni koronavirus infeksiyasına yoluxduğunu qeyd edib: "Onlardan 226 min 119 nəfər müalicə olunaraq sağalıb, 3170 pasiyent ölüb. Hazırda aktiv xəstə sayı 2360 nəfərdir".
Qərargah ötən müddətdə 2 milyon 478 min 223 testin aparıldığını bildirib: "Bugünkü test sayı isə 7315-dir".
