İnfeksiyadan sağalanların sayı 645 oldu
İyulun 18-də Azərbaycanda 497 adam COVID-19 infeksiyasına yoluxub, 645 nəfər müalicə olunaraq evə buraxılıb, 8 xəstə isə ölüb.
Nazirlər Kabineti yanında Operativ Qərargahın yaydığı məlumatda Azərbaycan indiyə qədər 27 133 nəfərin yeni koronavirus infeksiyasına yoluxduğu göstərilib:
“Onlardan 18 450 nəfər müalicə olunaraq sağalıb, 349 pasiyent ölüb. Hazırda 8 334 nəfər xüsusi rejimli xəstəxanalarda müalicə alır”.
Operativ qərargah son sutkada 9 263 testin keçirildiyini qeyd edib:
“Ötən müddətdə isə 619 786 test aparılıb”.
