Koronavirus

Mənbə: Foto: arxiv

Başlıq: Koronavirus

Azərbaycanda: 143 yoluxma, 3 ölü

Məqalə yeniləndi:  9 May 2020

Ramin Bayramlı: “Bütün elmi-statistik təhlillər göstərir ki, ikinci dalğanı yaşayacağıq”

Mayın 9-da Azərbaycanda 143 yeni koronavirus infeksiyasına yoluxma faktı qeydə alınıb, 44 nəfər müalicə olunaraq evə buraxılıb.

Bu barədə TƏBİB-in İdarə Heyətinin sədri Ramin Bayramlı Nazirlər Kabineti yanında Operativ Qərargahın bu gün keçirilən brifinqində deyib.

Ramin Bayramlı bildirib ki, COVID-19 üçün götürülən analiz nümunələri müsbət çıxan 1942, 1944 və 1956-cı il təvəllüdlü 3 nəfər vəfat edib. O, hazırda Azərbaycanda 2 422 nəfərin koronavirus infeksiyasına yoluxması faktının müəyyən edildiyini qeyd edib:

“Onlardan 1 620 nəfər müalicə olunaraq sağalıb, 31 nəfər vəfat edib, 771 nəfərin xüsusi rejimli xəstəxanalarda müalicəsi davam etdirilir. Həmin şəxslərdən 29 nəfərin vəziyyəti ağır, 41 nəfərin vəziyyəti orta ağır qiymətləndirilir, digərlərinin səhhəti stabildir. Ötən müddət ərzində yeni yoluxma hallarının müəyyənləşdirilməsi ilə əlaqədar 188 950 test aparılib".

İdarə Heyətinin sədri regionlar üzrə koronavirusa yoluxma statistikasını da açıqlayıb:

“Bakıda koronavirusa yoluxma 47,5 faiz, Gəncə-Qazax regionunda 13,5 faiz, Aran regionunda 10, 2 faiz, Lənkəran regionunda 9,4 faiz olub. Xaricdən gələnlərin isə yoluxmada xüsusi payı 9,1 faiz təşkil edib”.

O, paytaxtda ən çox yoluxmanın Yasamal və Nəsimi rayonlarında qeydə alındığını vurğulayıb.

R.Bayramlının sözlərinə görə, Azərbaycanda 6-12 apreldə koronavirusa yoluxma ilə bağlı pik qrafik müşahidə olunub.

İdarə Heyətinin sədri sərt karantin rejimindən çıxdıqca ikinci dalğaya doğru bir artış gözlənildiyini bildirib:

“Biz bu dalğaya əvvəlcədən hazırıq. Bütün elmi-statistik təhlillər göstərir ki, ikinci dalğanı yaşayacağıq”.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  9 May 2020
Bölmələr:  
qısa linklər:   http://mtv.re/lw6802

Ən çox baxılan