Mənbə: google

Azərbaycan Serbiyadan izahat tələb edib (yenilənib)

Məqalə yeniləndi:  20 İyul 2020

***

Gürcüstan ərazisindən Ermənistana minomyotların çatdırılması haqqında məlumatları təkzib edib.

Bu barədə qonşu ölkənin Xarici İşlər Nazirliyi bəyanat yayıb.

Bildirilib ki, Ermənistana minomyotların Gürcüstan vasitəsilə çatdırılması barədə Azərbaycan mətbuatının yaydığı məlumatlar həqiqətə uyğun deyil.

Xarici İşlər Nazirliyi hesab edir ki, qeyri-dəqiq, qərəzli məlumatlar ictimaiyyəti çaşdırır və Gürcüstanın Azərbaycanla strateji tərəfdaşlığına və dostluğuna kölgə salmağa çalışır.

Bəyanatda vurğulanıb ki, mətbu orqanın məqaləsi qərəzlidir və iki strateji tərəfdaş ölkə arasındakı münasibətlərdə süni şəkildə problem yaratmağa yönəlib.

***

“Azərbaycan daima Serbiyaya çətin gündə yardım edib”

Serbiyanın Azərbaycandakı müvəqqəti işlər vəkili xanım Danitsa Veinoviç iyulun 20-də Azərbaycan Xarici İşlər Nazirliyinə çağırılıb.

Onun nazir müavini Xələf Xələfovla görüşü olub.

Görüşə səbəb kimi, Serbiyanın Ermənistana minomyotlar və müxtəlif kalibrli sursatlar göndərməsidir.

Xələf Xələfov bildirib ki, bu barədə Azərbaycan tərəfində təsdiqlənmiş məlumat var.

Nazir müavini xatırladıb ki, iyulun 12-dən başlayan döyüşlərdə erməni tərəfi məhz müxtəlif kalibrli minomyotlardan istifadə edib və Azərbaycan tərəfi bir general mayor, 11 hərbi qulluqçu itirib.

Xələf Xələfov həmçinin xatlrladıb ki, Azərbaycanla Serbiya arasında ikitərəfli strateji əməkdaşlıq haqqında saziş var və hər iki ölkə bir-birinin ərazi bütövlüyünü tanıyır.

Nazir müavini həmçinin xatırladıb ki, Azərbaycan daima Serbiyaya çətin vaxtlarda yardım əlini uzadıb. O bildirib ki, belə bir hal ikitərəfli münasibətlərə kölgə salır və xələl gətirir.

Xələf Xələfov qarşı tərəfdən məsələ ilə bağlı izahat tələb edib.

Serbiyanın Azərbaycandakı müvəqqəti işlər vəkili xanım Danitsa Veinoviç qeyd olunan məsələlərlə bağlı məlumatının olmadığını söyləyib və həmin məlumatları Serbiya tərəfinə çatdıracağını vəd edib.

İyulun 20-də Azərbaycan mətbuatında Serbiyanın Gürcüstan ərazisi ilə Ermənistana minomyotlar və digər silahlar göndərdiyi barədə məlumatlar dərc edilib. Bildirilib ki, silahlar iyulun 12-dən az əvvəl və döyüşlər gedən zaman Ermənistana çatdırılıb.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  20 İyul 2020
Bölmələr:  
qısa linklər:   http://mtv.re/p61xzm

Ən çox baxılan