Azərbaycan ordusu 18 yaşlı əsgərini itirdi

Şəhid (şərti foto)

Şəhid (şərti foto)

Azərbaycan ordusunun 18 yaşlı əsgəri Kənan Həsrət oğlu Dadaşov həlak olub. Yaxınlarının Meydan TV-yə verdiyi məlumata görə, əsgər Azərbaycan-Ermənistan qoşunlarının təmas xəttində həyatını itirib.

12 Aprel 2000-ci il təvəllüdlü Kənan Dadaşov Astara rayonunun Pəlikeş kənd sakinidir.

Astara Rayon İcra Hakimiyyətindən xəbəri Meydan TV-yə təsdiqləsələr də, əsgərin hansı səbəbdən vəfat etdiyini bilmədiklərini deyiblər.

Pəlikeş kənd İcra nümayəndəsi Balakişi Rəhmanov da xəbəri təsdiqləyib:
“Eşitdiyimizə görə, düşmən gülləsinə tuş gəlib, şəhid olub. Hələ cənazəsi kəndə gətirilməyib, gözləyirik”.

Müdafiə Nazirliyi hadisə ilə bağlı hər hansı məlumat yaymayıb. Qurumdan məsələyə münasibət bildirilməyib.

Kənan Həsrət oğlu Dadaşov

Kənan Həsrət oğlu Dadaşov

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/i34b1i

Ən çox baxılan