Bu, onların son 8 ildəki 3-cü çempionluqlarıdır
Noyabrın 6-da Azərbaycanın kişilərdən ibarət yığma komandası Yunanıstanda keçirilən şahmat üzrə Avropa Çempionatında sonuncu görüşünü keçirib.
Azərbaycanlı şahmatçılar 9-cu turda Ukrayna millisi ilə qarşılaşıblar. Qalib gəlsəydilər çempion olacaqdılar. Lakin bu görüş heç-heçə başa çatıb – 2:2.
Rusiya isə son turda Almaniyaya qalib gəlib. Nəticədə, Azərbaycan və Rusiya yığmaları AÇ-ni eyni – 14 xalla başa vurublar.
Beləliklə, əlavə əmsalların cəminə görə, Azərbaycan millisi Avropa çempionu adını qazanıb. Bu, Azərbaycan komandasının qitə birinciliyində üçüncü belə uğurudur.
Azərbaycan – Ukrayna 2:2
Şəhriyar Məmmədyarov – Pavel Elyanov 0,5:0,5
Teymur Rəcəbov – Yuri Krivorukço 0,5:0,5
Arkadi Naydiç – Ruslan Ponomaryov 0,5:0,5
Rauf Məmmədov – Yuri Kuzubov 0,5:0,5
