Mənbə: Teleqraf

Azərbaycan-Gürcüstan sərhədində insident

Yanvarın 14-də Azərbaycan-Gürcüstan sərhədində insident baş verib. Bu haqda Gürcüstan Daxili İşlər Nazirliyi məlumat yayıb.

Hadisə zamanı Gürcüstan vətəndaşı saxlanılıb. O, qanunsuz şəkildə odlu silah əldə etməkdə və saxlamaqda günahlandırılır.

Həmin şəxs silah və qumbara ilə hədələyərək, Gürcüstan sərhədçilərini sərhədin razılaşdırılmamış hissəsinə doğru getməyə məcbur edib. O, bu zaman bir neçə dəfə atəş açıb. Bildirilir ki, Gürcüstan sərhəd polisi əməkdaşlarının sayəsində insident tamamilə həll olunub.

Gürcüstan DİN-i azərbaycanlı həmkarlarına hadisə zamanı effektli əməkdaşlıqlarına görə təşəkkür edib.

Eyni zamanda Azərbaycan Dövlət Sərhəd Xidməti xəbər verir ki, yanvarın 14-də gündüz Gürcüstan Sərhəd polisinin Çitelexide sahəsi üzrə əməkdaşı Azərbaycan DSX sərhəd qoşunları “Şəmkir” sərhəd dəstəsinin rəisi ilə əlaqə saxlayaraq bəyan edib ki, Gürcüstan ərazisində, “Keşikçidağ” sərhəd zastavası yaxınlığında hərbi formada bir şəxs gürcü sərhədçisini girov götürüb və dövlət sərhədinə doğru hərəkət edir.

Sərhəd dəstəsi 6-7 hərbi geyimli, silahlı adamın Azərbaycan sərhədinə doğru gəldiyini müşahidə edib. Sərhədçilər bu adamların öz aralarında mübahisə etdiklərini görüblər. Onlardan birinin əlində qumbara və silah olub.

Bir müddət sonra silahlı adam havaya atəş açıb. Sərhəd dəstəsi dərhal təhlükəsiz hərbi mövqe tutub və havaya xəbərdaredici atəş açıb. Bundan istifadə edən Gürcüstan sərhədçiləri qanun pozucusunu tərk-silah edə biliblər.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/0q7vlu

Ən çox baxılan