“Quxuroba”

Mənbə: Meydan TV

Başlıq: “Quxuroba”

Azərbaycan filmi Rusiyada nümayiş olunacaq

Film Rasim adlı taksi sürücüsünün başına gələn macəralardan bəhs edir

Rejissor Teymur Qəmbərovun “Quxuroba” qısametrajlı filmi festivalda nümayiş olunacaq.

Rejissorun Meydan TV-yə verdiyi məlumata görə, MDB ölkələrinin “Moskva premyerası” Beynəlxalq Kino Festivalı oktyabrda keçiriləcək.

“Quxuroba” filmi Rasim adlı taksi sürücüsünün başına gələn macəralardan bəhs edir.

O, müdirindən vacib bir tapşırıq alır. Nəyin bahasına olursa-olsun, gəlinlik paltarını ucqar kəndə çatdırmalıdır.

Rejissoru və ssenari müəllifi Teymur Qəmbərov olan filmdə Elxan Səmədov, Roza İbadova Koçamaz, Rada Nəsibova, Cahangir Malik, İlqar Dadaş çəkilib.

“Quxuroba”

“Quxuroba”

Mənbə: Meydan TV

“Quxuroba” “European Short Pitch”, “Image Production”, “Mastering, Distribution” mükafatlarının qalibi olub.

Bundan başqa, film dünyanın ən nüfuzlu festivallarından olan Sarayevo Film Festivalında iştirak edib.

“Quxuroba” həmçinin mayın 26-dan iyunun 2-dək Batumidə keçirilən “Dostluq” MDB Beynəlxalq Gənc Kinematoqrafçılar Məktəbinin müsabiqəsində kino tənqidçilərinin əsas mükafatına layiq görülüb.

Müsabiqədə 14 ölkədən 35-ə yaxın film nümayiş olunub.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/7pnlg8

Ən çox baxılan