Azərbaycan bölgədə ən az intihar hadisəsi baş verən ölkədir

Dünyada hər 100 min nəfərə 10,5 intihar hadisəsi düşür

Source:


Dünyada hər 100 min nəfərə 10,5 intihar hadisəsi düşür

Azərbaycanda 2016-cı ildə hər 100 min nəfərə 2,6 intihar hadisəsi düşüb.

Bu barədə “Azadlıq Radiosu” məlumat

yayıb

. Bu bölgədə əhali sayına nisbətdə ən aşağı göstəricidir.

Bu rəqəm Ermənistanda 5,7, Gürcüstanda 6,7, İranda 4,0, Rusiyada 26,5-dir.

Belarusda hər 100 min nəfər üzrə 21,4, Qazaxıstanda 22,8, Çexiyada 10,5 intihar halı qeydə alınıb.

Sentyabrın 10-u Ümumdünya Səhiyyə Təşkilatı (ÜST) tərəfindən İntiharların Önlənməsi Günü kimi qeyd edir. Qurum bildirir ki, intiharların önlənməsi üzrə milli strategiyası olan ölkələrin sayı son beş ildə artıb. Ancaq dünya üzrə cəmi 38 ölkədə belə strategiya mövcuddur və bu, çox kiçik rəqəmdir. ÜST hökumətləri bu strategiyanı qəbul etməyə çağırır.

2016-cı ildə dünya üzrə intihar səviyyəsi hər 100 min nəfərə 10,5 olub.

Dünyada intiharların 79 faizi az və ortagəlirli ölkələrdə törədilir. Ancaq ən yüksək göstərici – hər 100 min nəfərə 11,5 intihar halı yüksək gəlirli ölkələrdə qeydə alınır.

5-29 yaşlıların ölüm səbəbləri içində intiharlar ikinci yerdədir. Birinci yeri yol qəzaları tutur.

Təşkilat bildirir ki, intiharları önləməyə daha çox bu vasitələrə çıxışı məhdudlaşdırmaqla nail olmaq olur. Digər metodlar medianı bu cür xəbərləri işıqlandırmaq üzrə maarifləndirmək; gənclərin həyatı bacarıqlarını inkişaf etdirən proqramlar gerçəkləşdirmək; intihar riski olan şəxsləri müəyyənləşdirərək göz qoymaqdır.

Ana səhifəXəbərlərAzərbaycan bölgədə ən az intihar hadisəsi baş verən ölkədir