Mənbə: Meydan TV

Ayrılan milyonlar və liftdə qalan sakinlər

Ayrılan milyonlar və liftdə qalan sakinlər

Yasamal rayonu Dadaş Bünyadzadə küçəsinə çatanda bizimlə birgə lift ustası da binaya ayaq basır. Dörd bir yanı binalarla əhatələnən bu ünvandan hər gün liftlərin işləməməsi ilə bağlı şikayət gəlir. Sakinlər deyirlər ki, iki il olar liftlər təmir olunub, amma yenə də saatlarla liftdə qalırlar.

9-cu mikrorayon, Mir Cəlal küçəsində də sakinlər tez-tez liftin xarab olduğunu deyirlər. 3 il olar liftləri yeniləyiblər, amma 75 yaşlı Kubra Soltanova yenə də üçüncü mərtəbədəki evinə qalxmaq üçün 5-ci mərtəbəyə qalxıb, sonra iki mərtəbə aşağı düşməlidir.

Fevralın 5-də ölkə başçısı İlham Əliyev binaların lift təsərrüfatının maddi-texniki bazasının möhkəmləndirilməsi ilə bağlı sərəncam imzalayıb. Sərəncama əsasən Azərbaycanın 12 şəhər və rayonunda 237 binanın lift probleminin həlli üçün icra hakimiyyətlərinə 40 milyon manat ayrılıb. Liftləri alman şirkəti gətirəcək. Bakı şəhər İcra Hakimiyyəti bu ilin sonuna kimi 542 liftin Bakıya gətiriləcəyini bildirib.

İqtisadçı Toğrul Marşallı bildirir ki, liftlərin alınması ilə bağlı tenderlər açıq keçirilmədiyinə görə korrupsiyaya ilə bağlı şübhələr yaranır.

Bakı Şəhər İcra Hakimiyyətindən zənglərimizə cavab vermədilər. “Lifttəmir” İstehsalat Birliyinin baş mühəndisi Mehdi Hüseynov bildirir ki, Mir Cəlal küçəsindəki liftlərin xarab olması ilə bağlı onlara şikayət daxil olmayıb. O, digər suallarımıza cavab vermədi.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/8wok48

Ən çox baxılan