AXCP üzvü 30 sutka həbs cəzası aldı

Namiq Sadıqlı polisə tabe olmamaqda təqsirləndirilir

Dekabrın 1-də Nəsimi Rayon Məhkəməsi Xalq Cəbhəsi Partiyasının fəalı, bloger Namiq Sadıqlını 30 sutka azadlıqdan məhrum edib.

O, İnzibati Xətalar Məcəlləsinin 535.1-ci maddəsi (polisin qanuni tələbinə tabe olmamaq) ilə təqsirli bilinir.

AXCP-dən verilən məlumata görə, müdafiə tərəfi həbsdən şikayət verəcək.

Namiq Sadıqlı noyabrın 30-da Nəsimi rayon 19-cu polis bölməsinə aparılıb.

Partiya yoldaşları onun sosial şəbəkədəki paylaşımlarına, fəallığına görə həbs edildiyi qənaətindədirlər. 

Hazırda Azərbaycanda 10-dan çox jurnalist və bloger həbsdədir. Onlar Azərbaycan hakimiyyətini tənqid etməkləri ilə tanınır.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/jpcq52

Ən çox baxılan