***
Vəkil Əsabəli Mustafayev “Facebook” səhifəsində yazıb ki, Rəcəb Hüseyov barəsində 10 gün müddətinə inzibati həbs tədbiri tətbiq olunub. AXCP üzvü hazırda Binəqədidə Cəzaçəkmə Müəssəsində saxlanılır.
***
Onun harada saxlanıldığı məlum deyil
AXCP Saatlı rayon Gənclər Komitəsinin üzvü Rəcəb Hüseynov oktyabrın 18-də qonaq getdiyi Biləsuvarda saxlanılıb və Bakı polisinə təhvil verilib.
Onun barəsində 102-yə sorğu göndərilsə də, reaksiya yoxdur.
Bu barədə AXCP Rəyasət Heyətinin üzvü İradə Nəriman Meydan TV-yə məlumat verib.
İrada Nəriman Rəcəb Hüseynovun 7 oktyabr aksiyasında fəallığına görə saxlanıldığını güman edir.
Gəncin əmisi, AXCP üzvü Ziyafət Hüseynov Meydan TV-yə deyib ki, rayon Polis İdarəsinin rəisi oktyabrın 19-da günorta saatlarında atasını çağırmışdı:
“Atası oğlunun hara aparıldığını soruşub. Rəis R.Hüseynovun Bakıya göndərildiyini, ancaq hansı rayon polis idarəsinə verildiyini bilmədiyini deyib”.
Z.Hüseynov qardaşı oğlunun Bakıya aparıldığına inanmadığını deyib:
“Rəcəb Hüseynov Saatlı polisindədir, hansısa kabinetdədir”.
Rayon polis idarəsinin növbətçisi bu barədə sualımıza DİN-in mətbuat xidməti ilə əlaqə saxlamağımızı tövsiyə etdi.
