Azərbaycan Xalq Cəbhəsi Partiyasının (AXCP) Nəzarət Təftiş Komissiyasının sədri Murad Sultandan dekabrın 16-ı günortadan etibarən xəbər yoxdur.
Bu barədə AXCP-nin mətbuat xidmətinin rəhbəri Natiq Ədilov məlumat verib.
Ədilov deyib ki, Murad Sultanın telefonuna zəng çatmır.
O bildirib ki, adətən belə hallarda şəxslərin sonradan hansısa strukturların əlində olduğu bəlli olur. Bu səbəbdən Natiq Ədilov partiya fəalının saxlandığını ehtimal edir.
Hazırda AXCP-nin sədri Əli Kərimli və 20-dən çox üzvü həbsdədir.
Partiya həbsləri siyasi sifariş kimi qiymətləndirir.
