Mayın 19-da Binəqədi rayonu ərazisində, Azadlıq prospekti 200 ünvanında yanğın baş verib. Sakinlər Meydan TV-yə bildiriblər ki, yanğın binanın üzlüklərindən baş verib. Onların sözlərinə görə bina üzlükləri penoplastdan olduğu üçün yanğın tez bir zamanda alışıb. Sakinlər əlavə ediblər ki, binaya vurulan üzlüklər Avropa Oyunları ərəfəsində aparılan abadlıq işləri çərçivəsində görülüb. Yaşayış binasının yanması nəticəsində 16 nəfər dünyasını dəyişib, 61 nəfər xəsarət alıb.
