Avropa insan haqları məhkəməsi Azərbaycan hökumətini 32min 448 avro məbləğində cərimələnməsi haqında qərar cıxarıb.
Martın 17-də Avropa İnsan Haqları Məhkəməsi həbsdə olan hüquq müdafiəçisi Rəsul Cəfərovla bağlı qətnamə qəbul edib. AİHM qətnaməsi ilə Rəsul Cəfərovun işində Konvensiyanın 5.1, 5.4 (azadlıq hüququ) və 18-ci (hüquqlara “siyasi müdaxilə”) maddələrinin pozuntusunu, həmçinin dövlətin Konvensiyanın 34-cü maddəsi ilə müəyyən edilmiş öhdəlikləri (Məhkəmə qarşısında nümayəndə ilə təmsil olunmaq hüququnun təmin edilməsi) yerinə yetirmədiyini müəyyən edib.
Bütün bunları nəzərə alaraq Avropa İnsan Haqları Məhkəməsi Azərbaycan hökumətinin 32 min 448 avro məbləğində cərimələnməsi haqqında qərar cıxarıb.
Tanınmış hüquq müdafiəçisi Rəsul Cəfərovun şikayəti üzrə Avropa İnsan Haqları Məhkəməsi qərarını bu gün açıqlayıb. Məlum olduğu kimi Bakı Ağır Cinayətlər Məhkəməsi 16 aprel 2015-i ildə 6 il 6 ay müddətində azadlıqdan məhrum etmə ilə qərar cıxarmışdır.
