Avropa İttifaqının Vaşinqtondakı nümayəndləyinin diplomatik statusu aşağı salınıb

Donald Tramp foto https://tvzvezda.ru/

Donald Tramp foto https://tvzvezda.ru/

Nümayəndəlik adi beynəlxalq təşkilat statusuna qədər endirilib

ABŞ Administrasiyası Avropa İttifaqının Vaşinqtondakı diplomatik nümayəndəliyinin statusunu rəsmi Brüsselə xəbərdarlıq etmədən aşağı salıb.

Qərb mətbuatının məlumatına görə, nümayəndəliyin statusu üzv-dövlətdən beynəlxalq təşkilat statusuna qədər aşağı salınıb. 

Aİ nümayəndəsi bildirib ki, qərarın nə zaman verildiyi barədə məlumatları yoxdur.

“Bizi xəbərdarlıq etmək amerikanlıların yadından çıxıb”, nümayəndə deyib.

Onun sözlərinə görə, statusun dəyişdirilməsi təsadüfən məlum olub. Belə ki, nümayəndəliyin rəhbəri Devid O'Sallivan bir sıra vacib tədbirlərə dəvət almayıb. ABŞ-ın keçmiş prezidenti Corc Buşun 2018-ci ilin dekabrında dəfni zamanı isə ona səfirlər arasında yer verilməyib. Yalnız təşkilatçılara müraciətdən sonra nümayəndəliyin statusunun dəyişdirildiyi məlum olub.

Ekspertlər buna bir neçə səbəb göstərirlər. Onlardan biri Amerikanın “Pew Research Cente” təhqiqat mərkəzinin apardığı sorğunun nəticələri olub. Sorğuda məlum olub ki, Avropa İttifaqı vətəndaşları arasında Rusiya ilə münasibətlərin normallaşdırılması tərəfdarları ABŞ-la münasibətlərin normallaşdırılması tərəfdarlarından çoxdur.

Bundan başqa ekspertlər hesab edirlər ki, nümayəndəliyin statusunun aşağı salınması ABŞ-la Avropa İttifaqı arasında ticarət münasibətlərinin korlanması ilə bağlıdır.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/2udphh

Ən çox baxılan