Avropa İttifaqı

Mənbə: Foto: arxiv

Başlıq: Avropa İttifaqı

Avropa İttifaqında COVID-19 müalicəsi üçün ilk dərman vasitəsinin satışına icazə verilib

“Ebolaya qarşı istifadə olunan “Remdesivir” koronavirusun artmasının qarşısını alır”

Avropanın dərman vasitələri üzrə agentliyi (EMA) COVID-19 testi pozitiv çıxan insanların müalicəsi üçün istifadə olunacaq “Remdesivir” preparatının satışına şərti icazə verib.

Rusiya mətbuatının məlumatına görə, bu dərman vasitəsini 12 yaşdan yuxarı insanların müalicəsində istifadə etmək olar.

“Remdesivir” Avropa İttifaqı ərazisində COVID-19-da qarşı istifadə ediləcək ilk dərman vasitəsidir. Satışına şərti icazə Avropa İttifaqının dərmanların əlçatımlılığını yülgülləşdirmək üçün normativ mexanizmlərdəndir. Bundan, fövqəladə hallarda tibbi ehtiyacları ödəməkdən ötrü istifadə edirlər. COVID-19 hazırda belə hallardandır. Belə bir icazədən dərmanın təsiri barədə lazımi informasiya həcminin adi hallardan fərqli olaraq normadan az olması zamanı istifadə edilir. Başqa sözlə dərmanın müsbət təsirləri barədə məlumatın lazım olduğundan az olmasına baxmayaraq onun satışına icazə verilir. Hazırda belə bir icazənin olması üçün şərait formalaşıb. Belə ki, dərmanın təcili olaraq əlçatımlılığının vacibliyi onun haqqında məlumatların tam olmaması riskini üstələyir.

EMA bildirib ki, “Remdesivir”in keyfiyyəti və istehsalı ilə bağlı qiymətləndirilmə aprelin 30-da başlayıb.

“Remdesivir”

“Remdesivir”

Mənbə: Foto: https://www.europeanpharmaceuticalreview.com/news/

İcazə ilə bağlı qərar Amerikanın allergik və infeksiya xəstəlikləri üzrə Milli İnstitutunun (NIAID) maliyyəsi ilə aparılan araşdırma və digər araşdırmaların əsasında verilib.

NIAID xəstəxanalara yerləşdirilmiş mindən artıq infeksiyaya yoluxmuş insanın bu dərman vasitəsilə 10 günlük müalicə kursunu qiymətləndirib.

“Araşdırmalar göstərib ki, “Remdesivir”lə müalicə olunanlar 11 gündən sonra sağalıblar. Bundan fərqli olaraq plasebo ilə müalicə olunanların sağalması isə 15 gün çəkib”, - EMA bildirib.

Agentlik bildirib ki, “Remdesivir”in tətbiqində məhdudiyyətlər mövcuddur. Belə ki, onu ancaq stasionar rejimli xəstəxana şəraitində istifadə etmək olar. Dərman vasitəsi damara vurulur. İlk gün 200 milli qram, digər günlər 100 milli qram. Onun istifadəsi 4 gündən az, 9 gündən çox ola bilməz.

Aprelin ortalarında kanadalı alimlər bildiriblər ki, “Ebola” virusuna qarşı istifadə olunan “Remdesivir” koronavirusun artmasını məhdudlaşdırır.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/tr1ys7

Ən çox baxılan