Mənbə: Meydan TV

ATƏT in Müşahidə Missiyası: “Hökumət bir çox tövsiyyələrimizi qəbul etməyib”

ATƏT in Müşahidə Missiyası: “Hökumət bir çox tövsiyyələrimizi qəbul etməyib”

9 fevralda baş tutacaq parlament seçkilərini izləmək üçün ATƏT-in Demokratik Təsisatlar və İnsan Haqları Bürosunun müşahidə missiyası 7 yanvardan etibarən işə başlayıb. Missiya namizədlərin qeydiyyatı, seçki qanunvericiliyinin vəziyyəti, seçkiqabağı kampaniya, media ilə bağlı durum, seçki günü baş verənləri izləyəcək.

Missiya 12 ekspertdən , 30 uzunmüddətli müşahidəçidən ibarətdir. Seçki günü isə prosesi izləmək üçün 350 müşahidəçi işə qoşulacaq. 9 fevralda müşahidəçilər məntəqələrin açılması, səsvermə, seçki bülletenlərinin sayılması və nəticələrin hesablanması prosesinə nəzarət edəcək. Seçki günü missiyaya ATƏT-in Parlament Assambleyası heyəti və Avropa Şurasının Parlament Assambleyası nümayəndələri də qatılacaq.

Uzunmüddətli müşahidəçilər və əsas heyət ölkədə qalacaq və seçki sonrası dövrü də müşahidə edəcəklər. Yekun hesabat seçki prosesinin tamamlanmasından təxminən iki ay sonra nəşr olunacaq.

REAL partiyasının seçki blokundan deputatlığa namizədliyi irəli sürülən Fərhad Mehdiyev missiyadan gözləntilərini açıqlayır.

Qeyd edək ki, Büronun Ehtiyacların Qiymətləndirilməsi Missiyasının üzvləri dekabrın 19-21-də Azərbaycanda səfərdə olublar və daha sonra hesabat yayıblar. Hesabatda bildirilir ki, öncəki tövsiyələri ilə əlaqədar seçki qanunvericiliyinə heç bir dəyişiklik edilməyib. Onların fikirincə, sərbəst toplaşma və ifadə azadlıqları kəskin şəkildə məhdudlaşdırılır, hökumətlə bağlı tənqidi fikir səsləndirənlər sistematik qısnama və cinayət təqibinə məruz qalırlar.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/qmuvfy

Ən çox baxılan