Mənbə: Meydan tv

"Atasının həbsinə görə xahiş etdik ki, Mehdini buraxsınlar"

"Atasının həbsinə görə xahiş etdik ki, Mehdini buraxsınlar"

Qarabağa dəstək yürüşündən sonra saxlanılan Azərbaycan Xalq Cəbhəsi Partiyası (AXCP) üzvlərinin iyulun 27-də apelyasiya məhkəməsi keçirilib. Partiyanın Rəyasət Heyətinin üzvü Məmməd İbrahimin oğlu Mehdi İbrahimovun və 5 cəbhəçinin işinə baxılıb.

Məhkəmə onları həbsdə saxlasa da, təqsirləndirilən şəxslər özlərini günahkar bilmir.

Dünən – iyulun 26-da oğluyala görüşə gedən AXCP Rəyasət Heyətinin üzvü Məmməd İbrahimi mülki geyimli şəxslər saxlayıb. 24 saatdan artıqdır harada olduğu bilinmir. Oğlu Mehdi İbrahimov da Penitensiar Xidmətin vərəm xəstələri üçün ixtisaslaşdırılmış 3 saylı müəssisəsində (tubzon) saxlanılır. Onun Covid-19 virusuna yoluxduğu deyilir.

AXCP açıqlayır ki, Qarabağa dəstək yürüşündən sonra 14 fəalının barəsində cinayət işi başlayıb, 11 cəbhəçi haqqında isə inzibati həbs qərarları çıxarılıb. Onların çoxuna CM-in 186 (əmlakı qəsdən məhvetmə və ya zədələmə), 233 (ictimai qaydanın pozulmasına səbəb olan hərəkətlər təşkil etmə ) və 315-ci (hakimiyyət nümayəndəsinə zor tətbiq etmə) maddələri ilə ittiham irəli sürülüb.

Milli Şura AXCP-yə qarşı həbsləri repressiya adlandırır və birbaşa ölkə prezidenti İlham Əliyevin göstəriş verdiyini deyir.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/m9mlrb

Ən çox baxılan