Ata Bank

Mənbə: google.az

Başlıq: Ata Bank

''Ata Bank borcumun olmadığına dair sənəd verib, amma sistemə salmır''

Mingəçevir sakini ''Ata Bank''dan şikayətçidir

"2012-ci ildə "Ata Bank"dan kredit götürdük. Dollarla hesablayıb 10 min manat yazdılar. Min manatı sığorta və s. adla özlərinə saxladılar, mənə 9 min manat verdilər. 2015-ci ildə devalvasiya oldu. Dolların məzənnəsi ilə bərabər mənim borcum da qalxdı. Bir müddət ödəyə bilmədim. Məhkəməyə verdilər. 2017-ci ildə borcumu qəpiyinə qədər ödəyib qurtardım. İndi prezident fəman verib, artıq ödədiyim məbləği mənə qaytarmalıdırlar, ancaq vermirlər".

Mingəçevir sakini Şahin Məmmədov belə deyir. O, krediti "Ata Bank"ın Mingəçevir filialından götürüb. Deyir, bank ona borcunu tam ödəməsi ilə bağlı sənəd də verib. Ancaq borcun ödənilməsini sistemə vurmayıb. Nəticədə, bu gün ona veriləcək olan kompensasiya borca çıxılır:

"Hansı ki, həmin borcu ödəyib qurtarmışam. Bankın səhlənkarlığı ucbatından mən kompensasiyamı ala bilmirəm. Az pul da deyil, düz 7200 manatdır. Banka köçüb, ancaq mənim kartıma oturmur. Çünki sistemdə mənim bir o qədər borcum olduğu görünür və həmin kompensasiya borcun ödənməsinə yönləndirilib. Halbuki borcum da yoxdur".

Ş.Məmmədov əlavə edir ki, ona verilən 9 min manat onsuz da 20 min manata başa gəlib. İndi kompensasiya almalıdır, onu da ala bilmir:

"Bank da mənə təmizlik kağızı verdi ki, mən Məmmədov Şahin Firudin oğlunun "ATA Bank"a borcu yoxdur. İndi prezidentin verdiyi qərarla bankın mənə qaytarmalı olduğu 7200 manatı borcum kimi qeyd edirlər. Guya o pul mənə çatmır, borcuma gedir. Soruşuram nə borc? Deyirlər ki, sizin ödənmiş borcunuzu bank sistemə vurmayıb, nəticədə, həmin pul sizə kompensasiya kimi ödənmir. Borc kimi çıxılır. Bilirəm hara müraciət edim, nə edim".

Vətəndaş deyir ki, dəfələrlə banka problemi olmadığını söyləyib. Ancaq xeyri olmayıb:

"Pul da banka köçüb. Mənim kompensasiyamdır. Amma kartıma oturmur. Hamısı da çox yaxşı bilirlər ki, mən ödəmişəm. Üstəlik, borcumun olmaması ilə bağlı təmizlik kağızı da var. Bu hadisə mənə çox pis təsir edir. Bildiyiniz hər gün bir söz deyirlər, ödəmirlər. Mənim 7200 manatımı vermirlər. Amma vətəndaş pulu gecikdirəndə üstünə faiz gəlir. Onda onlar da nə qədər ödəməyiblər üstünə faiz gəlsin".

Meydan TV məsələyə münasibət öyrənmək üçün "ATA Bank"ın Mingəçevir filialı ilə əlaqə saxlayıb. Bankdan müştərilərlə bağlı şəxsi məsələlərə münasibət bildirə bilməyəcəklərini söyləyiblər:

"Vətəndaş banka yaxınlaşsın. Biz araşdıraq, görək problemi nədir".

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/bwf9l5

Ən çox baxılan