Təmir ediləcək yol 38 yaşayış məntəqəsini birləşdirir
Prezident İlham Əliyev Astara rayonunun Taxtanəkəran-Miki və Taxtanəkəran-Toradi avtomobil yollarının tikintisinə 8,5 milyon manat ayırıb.
President.az yazır ki, İlham Əliyev bu barədə sərəncam imzalayıb.
Sərəncama əsasən, 2017-ci il dövlət büdcəsindən ayrılan 8,5 milyonun xərclənməsi “Azəravtoyol” Açıq Səhmdar Cəmiyyətinə həvalə edilib.
Taxtanəkəran-Miki və Taxtanəkəran-Toradi avtomobil yolları 12 min nəfər əhalinin yaşadığı 38 yaşayış məntəqəsini birləşdirir.