Azərbaycanın nümayəndə heyəti sənədin əleyhinə səs verib
İyunun 27-də Avropa Şurası Parlament Assambleyasında
tarixi sənəd
qəbul olunub.
Sənədə əsasən qurumun prezidenti, vitse-prezidentləri və komitə rəhbərləri barədə impiçment qərarı verilə bilər.
Bu barədə hüquq müdafiəçiləri Anar Məmmədli və Rəsul Cəfərov məlumat yayıblar.
Bildirilir ki, qətnamə layihəsinə Avropa Şurası Venesiya Komissiyası da müsbət rəy verib:
“Məsələnin müsbət tərəfi budur ki, indiyədək daxili intizam qaydası AŞPA-da mövcud deyildi”.
R.Cəfərov yazıb ki, dəyişiklik postundan istefa verməyən Pedro Aqramuntu vəzifədən kənarlaşdırmaq üçün addım sayılır.
Dəyişikliyin lehinə 154 nəfər, əleyhinə 30 nəfər,13 nəfər isə bitərəf qalıb.
Azərbaycan nümayəndə heyətinin bütün üzvləri sənədin əleyhinə səs verib.